Секторот за ветерна енергија на Туркије со потенцијал да достигне 8 милијарди долари во 2035 година

November 6, 2024
1 min read

ИСТАНБУЛ (АА) – Турскиот сектор за ветерна енергија, кој моментно се проценува на 2,2 милијарди долари, може да доживее експанзија до 7,5-8 милијарди долари до 2035 година со континуирана поддршка, порача Ибрахим Ерден, претседател на Турската асоцијација за ветерна енергија (TUREB), јавува Анадолу.

„Секторот има цел инвестирање за 5.000 мегавати ветерна енергија секоја година во согласност со целта на Туркије за 120.000 мегавати инсталирана моќност во ветерна и сончева енергија до 2035 година“, рече Ерден во обраќањето на 13. турски Конгрес за ветерна енергија (TWEC 2024), организиран од Турската асоцијација за ветерна енергија под мотото „Енергијата на иднината, иднината на Туркије“, кој започна вчера во Истанбул.

„Оваа цел ќе осигури до 2035 година сите инвестиции во ветерна енергија во Туркије да изнесуваат вкупно 50.000 мегавати, а електричната енергија произведена од ветер ќе достигне 138 теравати годишно“, додаде тој.

Од своја страна, Гилс Диксон, извршен директор на WindEurope, ѝ честита на Туркије за нејзиниот „извонреден синџир на снабдување со ветерна енергија“.

„Според најновите податоци на Турската асоцијација за ветерна енергија, има 150 главни набавувачи, 350 поднабавувачи“, рече Диксон и додаде: „Ова е навистина импресивно.“

„Остатокот од Европа ви е исклучително благодарен за тоа бидејќи најголем дел од она што го произведуваат вашите капацитети се извезува во остатокот од Европа“, истакна тој.

„Во моментов, остатокот од Европа, тоа е цела Европа, со исклучок на Туркије, секоја година гради 18 гигавати нови ветерни електрани“, додаде Диксон.

„Во периодот отсега до 2030 година тој број ќе расте, во просек, ќе градиме 27 гигавати нови ветерни електрани секоја година“, рече тој.

„Пазарот за вашите производни капацитети расте. А остатокот од Европа ќе биде уште ‘погладен’ за опремата што ја произведувате во земјата“, рече тој.

Со Анадолу како глобален комуникациски партнер, дводневниот TWEC 2024, глобална платформа за иновации во ветерната енергија, обединува експерти од Европа и пошироко.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Милевски: Свесни сме за важноста на претстојните натпревари

Следно

Тошковски најавува кривични пријави за злоупотреби во институциите

Latest from Blog

Заврши четвртиот Фестивал на инклузија

Низ 50 настани на 5 локации и во 5 тематски денови четвртото издание на Инфјужн докажа дека е возможно да се создаде широка, општествена платформа за култура, уметност, едукација и забава. Предпремиерата

ВО ЧИФТЕ АМАМ СЕ ОТВОРА ИЗЛОЖБА НА ОТКУПЕНИ И ПОДАРЕНИ ДЕЛА НА НАЦИОНАЛНАТА ГАЛЕРИЈА ОД ПОСЛЕДНИТЕ 10 ГОДИНИ

„Аквизиции и донации (2014 – 2024)“ е насловена групната изложба која ќе се отвори утре (19 јуни) во 20 часот во Чифте амам, објект на Националната галерија на Македонија (НГМ). Изложбата содржи

В.Д Градоначалникот на Кочани обвини за нелегални објекти, АХВ му врати – не сме надлежни

Во пишано известување Агенцијата за храна и ветеринарство (АХВ) ја известува јавноста дека нема надлежност да постапува за прашањата што беа наведени во прес-конференцијата на в.д. градоначалникот на Кочани, Венко Крстевски, а

Сите осомничени за падот на бетонската настрешница во Нови Сад ослободени од притвор

Апелацискиот суд во Нови Сад го укина притворот на уште петмина осомничени во случајот со падот на бетонската настрешница на железничката станица во тој град, кога загинаа 16 лица. Тие беа осудени
Go toTop