реклама
Министерката за одбрана, Славјанка Петровска најави дека ќе испрати барање за дозвола до Општина Желино за изградба на споменик за десетте бранители кои ги загубија животите на автопатот Скопје-Тетово кај месноста Карпалак.
Сепак денеска градоначалникот на општината Блерим Сејдиу истакна дека прашањето треба да се постави до ЈП за државни патишта, бидејќи споменикот би требало да се изгради на самиот автопат.
реклама
Тој вели дека барањето на министерството за одбрана пристигнало денес.
„Јас како градоначалник ако сакам да градам на самиот автопат некој споменик не ќе можам. Морам да се обратам до ЈП за државни патишта. Значи, Законот го вели тоа. Плус тоа, таму нема урбанистички проект. Законот вели така. Треба да урбанизира прво, да се види дали има услови, итн., итн. Но во самиот автопат, каде што е предвидено тоа директно е надлежен ЈП за државни патишта”, вели градоначалникот Блерим Сејдиу за ТВ Сител.
реклама
