СДСМ: Сомнителен тендер за лични карти во МВР во пресрет на локалните избори

June 27, 2025
1 min read

СДСМ денеска ја обвини Владата дека во најстрога тајност започнала постапка за избор на нов систем за производство и издавање лични карти и пасоши, само неколку месеци пред локалните избори.

На прес-конференција во седиштето на партијата, портпаролката Богданка Кузеска изјави дека Министерството за внатрешни работи веќе ангажирало фирма „без никаков претходен досегашен ангажман во оваа специфична и чувствителна област“. Според неа, компанијата досега работела исклучиво на студии за третман на отпад и изградба на стадиони, а сега треба да подготви техничка документација за систем кој обработува доверливи лични податоци.

Кузеска тврди дека во конкурсната документација не се бара безбедносен сертификат за лицата кои ќе управуваат со базите на податоци, ниту пак се гарантира заштита на доверливите информации на државата и на граѓаните. „Сето се одвива без надзор, без јавност и без пропишани стандарди“, порача таа, опишувајќи го процесот како „рецепт за злоупотреба“.

Партијата стравува дека централизирањето на процесот – од производство до издавање документи – може да отвори простор за масовно издавање нови лични карти непосредно пред изборите, што би можело да влијае врз изборниот резултат. СДСМ ги повика министерот за внатрешни работи Панче Тошковски и Владата да одговорат:

  • Зошто е избрана фирма без релевантно искуство и без безбедносни сертификации?
  • Кои мерки ќе обезбедат недопирливост на личните податоци?
  • Дали ќе има надворешен и независен надзор врз реализацијата на проектот?

„Ќе ги информираме сите домашни и меѓународни фактори за можните ризици и ќе ги следиме сите чекори на институциите“, нагласи портпаролката, додавајќи дека СДСМ ќе остане „буден чувар на слободната волја на граѓаните“.

Од Министерството за внатрешни работи засега нема официјален одговор на обвинувањата.

ИЗВОР: racin.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Опожарени два дома во Куманово, граѓаните реагираат на секојдневно палење на смет на потег од „Стари Лозја“ до влез на „Перо Чичо“

Следно

ЗНАМ со кандидат за Центар – ВМРО-ДПМНЕ немал да кандидира свој, ќе го поддржи оној на ЗНАМ

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop