ИСТАНБУЛ (АА) – Саудиска Арабија соопшти дека околу 1,2 милиони муслимански аџии пристигнале во кралството на годинашниот аџилак, пренесува Анадолу.
„Околу 1,2 милиони аџии се примени во двете свети џамии“, истакна шеикот Абдулрахман ал-Судаис, челник на Генералното претседателство за прашања на двете свети џамии, во изјавата пренесена од државната новинска агенција СПА.
„Ова е најголем број верници во Саудиска Арабија од пандемијата на КОВИД-19“, додаде тој.
Саудиска Арабија оваа година очекува да прими над два милиона муслимански аџии.
Кралството богато со нафта го намали бројот на аџии за аџилак во последните три години поради мерките за спречување на ширењето на КОВИД-19.
Во 2022 година над 899.999 муслимански аџии ја посетиле Саудиска Арабија за да го извршат аџилакот, според официјалните бројки.
Според официјалните податоци, во 2021 година кралството прими 60.000 аџии само од Саудиска Арабија поради ограничувањата за КОВИД-19, а во 2020 година аџилак извршија само 10.000 аџии.
Аџилакот до најсветото место во исламот Каба во Мека е еден од петте столба на исламот. Од муслиманите се бара да го извршат барем еднаш во животот доколку имаат финансиски средства за тоа.
Извор: www.aa.com.tr
