ИСТАНБУЛ (АА) – Саудиска Арабија нема да ги нормализира односите со Израел доколку не се реши палестинското прашање, изјави министерот за надворешни работи, принцот Фајсал бин Фархан Ал Сауд, пренесува Анадолу.
„Тоа е единствен начин на кој ќе извлечеме корист. Ни треба стабилност, а стабилноста ќе дојде само преку решавање на палестинското прашање“, рече Фајсал во интервју за Си-ен-ен.
Принцот Фајсал на Светскиот економски форум во Давос, Швајцарија, во средата изјави дека Израел не може да ужива во мир без формирање палестинска држава, нагласувајќи ја потребата од прекин на огнот во Појасот Газа.
Пред израелската деструктивна војна во Газа, која започна на 7 октомври минатата година, Саудиска Арабија беше вклучена во разговори, со посредство на САД, за потенцијално нормализирање на односите со Израел. Но аналитичарите веруваат дека војната ги одложи разговорите меѓу двете страни.
Извор: Anadolu Agency (AA)
