САД ја одобрија продажбата на американско-израелскиот систем за противвоздушна одбрана на Финска

ЕРУСАЛИМ (АА) – Израел соопшти дека официјален Вашингтон одобрил продажба на системот за противвоздушна одбрана со среден и долг дострел, познат како „Давидова прачка“, вреден 316 милиони евра, јавува Анадолу.

Овој систем за противвоздушна одбрана е произведен во соработка на Израел и Соединетите Американски Држави (САД).

Во соопштението на израелската Влада се наведува дека САД првпат одобриле продажба на американско-израелскиот систем за противвоздушна одбрана „Давидова прачка“ на трета земја.

Се наведува дека во рамките на договорот за продажба на системот за противвоздушна одбрана, на Финска ќе ѝ бидат испорачани ракети-пресретнувачи, лансери на ракети и радарски системи.

Системот за противвоздушна одбрана ќе биде интегриран во командните и контролните системи на војската на Финска.

Системот за противвоздушна одбрана „Давидова прачка“ е развиен во 2017 година, а може да се користи против непријателски авиони, беспилотни летала, балистички проектили, како и проектили со среден и долг дострел.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..