Русија и Украина вчера се обвинија меѓусебно за обиди за прекугранични напади, при што секоја страна рече дека нејзините сили одбиле обиди за инвазија.
Двете страни рекоа дека нивните сили имале целосна контрола на територијата од нивната страна од границата и им нанеле загуби на непријателските трупи.
Во соопштението на руското Министерство за одбрана, пренесено од руските новински агенции, се вели дека руските сили спречиле пет обиди на Украина да ја преминат границата и да влезат во југозападниот регион Белгород.
-Единиците на северната група за чување на државната граница ги одбија сите напади со артилериски оган и употреба на дронови, се вели во руското соопштение.
Се додава дека нападите имале за цел да ги нарушат преговорите меѓу Владимир Путин и американскиот претседател Доналд Трамп, со цел да се постигне решение за тригодишната војна.
Украинската војска, во соопштението на Телеграм, рече дека нејзините сили „успешно ги спречиле сите обиди на окупаторите да се зацврстат во регионот Суми. Непријателот претрпел значителни загуби во персоналот“.
Извор: 24vesti.mk
