Русија: 10 загинати во авионска несреќа меѓу кои и шефот на „Вагнер“, Пригожин

August 23, 2023
1 min read

ИСТАНБУЛ (АА) – Евгениј Пригожин, шефот на паравоената група „Вагнер“, доцна вечерва потврдено е дека се наоѓал во приватниот авион што се урна во северозападниот руски регион Твер, при што загинати се сите 10 патници, пренесува Анадолу.

Во соопштението на руската Федерална агенција за воздушен сообраќај наведени се 10 имиња, од кои тројца се членови на екипажот, кои се качиле во авионот „Ембраер“. На листата е и коосновачот на „Вагнер“, Дмитриј Уткин.

„Летот на авионот Ембраер-135 (ЕБМ-135БЈ) е извршен со дозвола за користење на воздушниот простор, издадена согласно утврдените процедури“, се додава во соопштението.

Агенцијата првично објави дека специјално формирана комисија започнала истрага и дека во авионот на МНТ-Аеро, кој патувал од Москва кон Санкт Петербург, имало седум патници и тројца членови на екипажот.

Се наведува дека Комисијата започнала со увид на местото на настанот и со собирање „фактички материјал за обуката на екипажот, техничката состојба на авионот, метеоролошките услови на рутата на летот, работата на контролата на летање и копнената радио опрема“.

„Во оваа фаза од истрагата експертите ќе мора да бараат и средства за објективна контрола на леталото, последователно декодирање и анализа на записите од црната кутија“, се додава во соопштението.

Руското Министерство за вонредни ситуации преку Телеграм соопшти дека авионот се урнал во близина на селото Куженкино при што, според прелиминарните информации, загинале сите 10 лица во авионот.

Истражната комисија на Русија, исто така, преку Телеграм соопшти дека започнала процес за кривична одговоност врз основа на „прекршување на правилата за безбедност во сообраќајот и функционирањето на воздушниот транспорт“.

Во извештајот на државната новинска агенција РИА, цитирајќи извор од службите за итни случаи, се вели дека на местото на несреќата биле пронајдени осум тела.

„Демонстративната елиминација на Пригожин и командата на ‘Вагнер’ два месеци по обидот за државен удар е сигнал од (рускиот претседател Владимир) Путин до руските елити пред изборите во 2024 година. „Внимавајте! Нелојалноста е еднаква на смрт“, напиша советникот на украинскиот претседател Михаило Подољак на платформата X, коментирајќи во врска со падот. „Но, тоа е сигнал и за руската војска: Нема да има херои на СВО („специјалната воена операција“). Ако тоа не е украинскиот суд, тоа ќе биде куршумот на ФСБ (Руската Федерална служба за безбедност)“.

Пригожин се најде на насловните страници во јуни кога започна „вооружен бунт“ против руското раководство, потег кој набрзо го прекина.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). .

MARKETING

MARKETING

Претходно

„Пригожин си потпишал смртна казна кога поверувал во ‘гаранциите на Лукашенко’ и ‘чесниот збор’ на Путин”

Следно

МВР: Локализирани пожарите во Кривогаштани и Сарај, фрлени над 45 тони вода

Latest from Blog

Алчинов во Отворено: За да се направи пат до хидроелектраната на река Дошница ќе треба да се исечат 1000 хектари шума

Кристијан Алчинов од „Спас за нас“ во Отворено рече дека законот за хидроелектрани е склопен во полза на инвеститорите. Според него, за изградба на една хидроелектрана на реката Дошница ќе треба да

Елиминирана шампионката на Ролан Гарос

Актуелната шампионка на Ролан Гарос Американката Коко Гоф е елиминирана во првото коло на Вимблдон. За изненадувањето се погрижи 25-годишната Украинка Дајана Јастремска, која со 2:0 во сетови (7:6(3) и 6:1) ја

САД ја прославија 249-годишнината од независноста во Скопје

Во Амбасадата на Соединетите Американски Држави во Северна Македонија вечерва со свечен прием беше одбележан 4-ти јули – Денот на американската независност. Пред бројни гости, партнери и пријатели на САД, амбасадорката Анџела

Запленети околу 100 килограми марихуана во Струмица, лишени од слобода три лица

Во координирана акција на полицијата и Агенцијата за национална безбедност вчера во Струмица се запленети 100 килограми марихуана, а три лица се уапсени, соопштија денеска од МВР. Во соопштението се наведува дека

Ќостарова Унковска во Аргумент плус: Родителите на загинатите деца во Кочани се плашат од заборав

Клиничкиот психолог Лина Ќостарова Унковска во Аргумент плус рече дека трагедијата во Кочани е надвор од сите искуства. Според неа, родителите на загинатите деца не се плашат за нивните животи и за
Go toTop