Републиканците никако да се обединат: Ни по осми пат не го избраа Мекарти за претседател на Претставничкиот дом

January 5, 2023
1 min read

Мекарти најави дека не се откажува, а по осмиот неуспех, тој беше номиниран и по деветти пат

Кевин Мекарти / Фото: EPA-EFE/MICHAEL REYNOLDS

Ниту во осмиот круг од гласањето републиканските пратеници не се обединија да го изберат својот сопартиец Кевин Мекарти за претседател на Претставничкиот дом во американскиот Конгрес.

Откако вчера во шест круга не успеа да го добие потребниот број од 218 гласа, денеска во два обиди пропадна изборот. Во последниот, осми круг, Мекарти доби 201 глас. Демократот Хеким Џефрис, пак, доби 212 гласа. Дел од останатите номинирани, пак, добија значителен број помалку гласови.

По последниот неуспех, Мекарти беше номиниран и по деветти пат. Тој претходно изјави дека не се откажува и ќе се бори дури и ако не победи веднаш.

Во Претставничкиот дом, републиканците имаат мнозинство од 222 пратеници наспроти демократите кои имаат 212. Меѓутоа, група пратеници од мнозинството останува против Мекарти да биде нов претседател, но во моментов нема друг кандидат што би можел да освои доволен број гласови.

Сè додека не се избере претседател, Претставничкиот дом не може да функционира. Новите пратеници не може да дадат ниту заклетва, не може да се назначат претседатели на комисии, а ниту пак да се отворат истраги за администрацијата на претседателот Џо Бајден, кои републиканците ги најавуваа.

Претставничкиот дом со ваква ситуација се нема соочено еден век. Последен пат во 1923 година не бил избран претседател во прв круг. Најдолга постапка, пак, имало во 1856 година кога бил постигнат договор дури по два месеци и 133 круга гласање.

Извор: 360stepeni.mk

MARKETING

MARKETING

Претходно

Презентацијата на Роналдо во Ал Наср ја следеа три милијарди луѓе, една третина повеќе од финалето на СП

Следно

Данилов: Украина не се се согласува на никакви разговори со Русија

Latest from Blog

Летниот камп за девојчиња „Мистик“ уништен по поплавите во Тексас, загинаа 27 деца

ТЕКСАС (АА) – Кревети, мебел и лични предмети беа расфрлани пред поплавените кабини во летниот камп „Мистик“, откако поројни дождови предизвикаа катастрофални поплави кои го зафатија централниот дел на американската сојузна држава

Донесена одлука за 30-дневна кризна состојба во Македонија

Донесена е одлука за 30-дневна кризна состојба на територија на Македонија поради зголемената појава на пожари. Портпаролката на Владата, Марија Митева на прес конференција истакна дека одлуката е донесена врз основа на

Тешко повреден пожарникар вчера во Бразда

Пожарникар на Територијалната противпожарна бригада на Град Скопје се здоби со тешки телесни повреди откако вчера околу 10:10 часот паднал од четирицикл во шумскиот предел „Жејковац“, кај селото Бразда. Според полицијата, 48-годишниот

Предлог-извештајот на Вајц за Македонија пред пратениците во ЕП – шансите да остане македонскиот јазик се многу мали

Дел од европратениците нема да гласаат за бришење на македонскиот јазик и идентитет од извештајот на Европскиот Парламент, порача премиерот Мицкоски. На само неколку часа пред документот за напредокот на земјата, да

ПРВИ РЕЗУЛТАТИ ОД ИСТРАГАТА: Ова е најверојатната причина за сообраќајката во која загинаа Жота и Силва

Првите резултати од истрагата за сообраќајната несреќа во која напаѓачот на Ливерпул, Диого Жота, и неговиот брат Андре Силва ги загубија животите минатата недела во Шпанија укажуваат на „голема брзина“ со која
Go toTop