На 30 годишниот кичевчанец Ф.Д. одредена му е мерка притвор во траење од 30 дена. Поднесена му е и кривична пријава за „убиство“. Осомничениот ѝ бил добро познат деликвент на полицијата. Против него во минатото биле поднесени над 50 пријави, а бил осудуван и на затвор. Неговото проблематично однесување се чини кулминирало на 18 декември лани кога си ја претепал двегодишната ќерка. Потоа околу 20 дена безуспешно таа била на лекување скопските клиники каде на 8 месецов починала.
„Во периодот од 2011 до 2023 година, ОВР Кичево има поднесено околу 50 кривични пријави за сторени кривични дела кражба и тешка кражба. Во 2013 година со судски пресуди, Ф.Д. во два случаи бил осуден на затворска казна во траење од 6 месеци и една затворска казна во траење од 3 месеци…“, рече Стефан Димовски-портпарол на СВР Охрид.
Обвинителството пак, ни денеска не откри дали евентуално за некое дело ќе ја гони и мајката на убиеното дете. Имено, таа тврдела дека повредите кај ќерката настанале откако ја турнале други деца при играње. Дека има некаки проблеми во ова семејство знаеле и во Центарот за социјални работи.
„Семејно насилство не е пријавувано. Но, на 21.07.2023 година Центарот за социјални работи е известен од страна на полициската станица Кичево дека е настанато недоразбирање и расправија меѓу Ф.Д. и неговата сопруга на ден 26.06.2022 по која расправија таа го напуштила домот и заминала во Прилеп заедно со децата. Потоа Центарот изврши увид и констатирал дека таа е вратена дома со децата и изјавила оти ги надминале проблемите и продолжиле заедно да живеат“, наведуваат од Центарот за социјални работи-Кичево.
Од тогаш Центарот за социјални работи не добил друга пријава. Инаку, семејството било корисник на социјална помош. Освен сега веќе починатото девојче, имаат уште 6 други деца.
Мики Трајковски
Извор: alsat.mk
