САН ФРАНЦИСКО (АА) – Пропалестински демонстранти во американскиот град Сан Франциско протестираа против израелските напади врз Појасот Газа, јавува Анадолу.
Стотици пропалестински демонстранти се собраа пред трговскиот центар „San Francisco Center“ на улицата Маркет и маршираа кон Плоштадот Јунион.
Насобраните граѓани носејќи палестински знамиња и извикувајќи слогани најостро ги осудија бруталните израелски напади врз Газа.
Тие побараа „прекин на израелската окупација во опколениот Појас Газа“ и постигнување мир.
За време на протестот демонстрантите се судрија со полицијата.
Израелските напади врз Појасот Газа започнаа по нападот на палестинската група Хамас во Израел на 7 октомври. Оттогаш во израелските напади загинати се над 20.250 Палестинци, од кои најмалку 8.000 деца и 6.200 жени. Повеќе од 53.600 луѓе се повредени.
Во Газа, каде телата на многумина и понатаму се под урнатините, уништена е цивилната инфраструктура, односно болниците, образовните институции, како и местата за богослужба.
Извор: www.aa.com.tr
