Припадници на МВР интензивно вршат детален претрес на теренот на територијата на градот Бор во потрага по телото на двегодишната Данка Илиќ, за чиешто тешко убиство се осомничени С.Ј.(1974) и Д.Д. 1974), двајцата од Бор, а кои беа уапсени на 4 април.
Повеќе од десетина припадници на полицијата на МВР со најсовремена опрема во моментов ја пребаруваат пештерата Лазарева која се наоѓа на околу три километри од селото Злот каде живее осомничениот Д.Д., Лазарев кањон, како и целиот простор покрај Злотска река во потрага по телото на детето кое, како што се сомневаат, вториот ден по извршеното кривично дело се движело од депонијата во околината на Бањско Поље, соопшти српското МВР, пренесува Танјуг.
Припадници на МВР ќе извршат опсежен претрес на територијата на градот Бор за да го пронајдат телото на девојчето и да ги утврдат сите околности под кои таа починала, се наведува во соопштението.
Теренот интензивно се пребарува на повеќе локации бидејќи, како што изјави вчера министерот за внатрешни работи, Братислав Гашиќ, постои сомнеж дека еден од осомничените го пренел телото од дивата депонија, каде што првично е однесено на друга локација.
Граѓаните на Бор во близина на местото на кое се случи несреќата запалија свеќи за настраданата Данка Илиќ, а никој од мештаните не може да поверува дека ова е епилогот бидејќи сите се надеваа дека девојчето е киднапирано и дека е живо.
Извор: 24vesti.mk
