Политичкиот аналитичар Бесим Небиу во емисијата 24 анализа вели дека оваа кампања е нетипична која трае подолг период особено во својот негативен дел. Вели дека допрва се очекува заострување на реториката во кампањите. Допрва следува мегдан на партиите на овие кампањи, вели тој.
– Особено на црните кампањи кои ги гледаме деновиве и пораките од кандидатите. Сите кандидати почнаа да ги отвараат темите околу кои би сакале својот претседателски мандат да го потрошат доколку го добијат. Имаме одредени нијанси кој кандидат какви теми има. Кампањите кај нас никогаш не се здодевни и ќе станат поинтересни. Во однос на пораки, кандидатите имаат за нијанса модернизирање на настапот и како се пласираат пораките, особено од водечките кандидати. Има испреплетување на кампањите за претседател со пораките на партиите кои ги номинираат. Начинот на кој ќе се одвива гласањето на претседател, ќе влијае и врз изборниот резултат, дури може и да го промени. – вели Небиу.
Извор: 24vesti.mk
