Градоначалникот на Прилеп Дејан Проданоски присуствуваше на годишниот концерт на Музичкото основно училиште „Ордан Михајлоски – Оцка“, кој се одржа во амфитеатарот во населбата Варош во Прилеп.
Настанот беше исполнет со богата музичка програма и силни емоции, а младите музичари со своите изведби уште еднаш го потврдија својот талент, посветеност и љубов кон музиката.
Проданоски истакна дека Прилеп може да биде горд на младите уметници и на нивните наставници кои секојдневно вложуваат во развојот на музичкото образование и културата во градот.
Тој упати благодарност до наставниот кадар и раководството на училиштето за успешната организација, како и до родителите и публиката кои со своето присуство им дадоа поддршка на учениците и придонесоа за посебната атмосфера на вечерта.
Годишниот концерт, како што беше нагласено, претставува уште една потврда за континуираната работа и развој на младите музички таленти во Прилеп.
