Приведени двајца млади Евреи откако навредувале и плукале во христијански свештеник во окупираниот Источен Ерусалим

АНКАРА (АА) – Израелската полиција уапси двајца ортодоксни Евреи, откако се појавија снимки како навредуваат и плукаат по христијански протоереј во окупираниот Источен Ерусалим (Источен Кудс), јавува Анадолу.

Снимката, објавена на социјалните мрежи, покажува како двајца млади Евреи вербално го навредуваат протоереј Никодемус Шнабел од бенедиктинскиот ред на Католичката црква.

Шнабел ги потврди навредите на платформата Х, истакнувајќи дека инцидентот се случил околу 16 часот по локално време вчера.

„Видеата што кружат за мене се автентични. Тие покажуваат дел од реалноста на мојот живот што ретко се снима“, рече тој и додаде:

„Не барав публицитет бидејќи има многу пострашни работи што луѓето мора да ги претрпуваат овде. Да се молиме за мир и помирување.“

Според весникот Хаарец, израелската полиција ги уапсила младите Евреи. Наводно, по сослушувањето им е одреден домашен притвор.

Во последните години забележани се зголемени напади од страна на еврејските доселеници врз христијаните, како и врз нивните верски лица и светите места во Источен Ерусалим (Источен Кудс).

Христијанските институции и верските лица ги обвинуваат израелските власти дека замижуваат пред нападите на еврејските доселеници.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.