Пратениците ја завршија расправата за измените на Законот за локална самоуправа

September 12, 2024
1 min read

Пратениците денеска ја завршија расправата за предлог на законот за изменување и дополнување на Законот за локалната самоуправа, по скратена постапка, за кој е потребно двотретинско мнозинство, додека гласањето ќе биде дополнително.

Пратениците од опозицијата реагираат дека со ваквиот предлог се ускратува уставното загарантирано право на граѓаните да можат да изберат градоначалник за својата општината, бидејќи нивните досегашни градоначалници преминале на друга функција.

Амар Мециновиќ од Левица кажа дека нема да гласаат бидејќи овој закон не само што не треба да се донесе по скратена постапка, туку воопшто не треба да се донесе. Тој го критикуваше мнозинството во Собранието дека носи закони по скратена постапка, по желба на Владата.

Реплицираше координаторот на пратеничката група на ВМРО-ДПМНЕ Никола Мицевски кој кажа дека не смее да се повикува на грешки во процедура. Во дебатата се вклучи и Димитар Ковачевски од СДСМ кој кажа дека в.д градоначалниците ќе раководат со општините над 37 проценти со мандатот иако не се бирани директно од граѓаните и дека се ускратува уставното загарантирано право на граѓаните да бираат свои градоначалници.

Нему му реплицираа пратениците од власта Марија Митева и Драгана Бојковска кои кажаа дека нема економска оправданост сега да се распишуваат избори, укажувајќи на незавидната економска состојба на државата за која кажаа дека виновна е претходната власт.

Пратениците од ЗНАМ, Даниел Стојчевски и Миле Цеков сметаат дека општините трпат, а со тоа и граѓаните во однос на проектите, доколку се бираат градоначалници и сега и на редовните локални избори и посочија дека ќе ги поддржат измените.

Пратениците жестоко дебатираа за предлог на законот за престанување на важењето на Законот за основање на Државна комисија за одлучување во втор степен во областа на инспекцискиот надзор и прекршочната постапка, по скратена постапка.

Пратениците од опозицијата се со став дека укинувањето и спојувањето на двете комисии нема економска оправданост.

Оливер Спасовски од СДСМ кажа дека на овој начин нема правна сигурност, има непочитување на темелните вредности на установата, повикувајќи на темелна анализа. Нему му реплицираше Бојан Стојановски кој рече дека се намалува бројот на членовите на комисијата и дека експертската јавност и граѓаните го поддржуваат укинувањето.

За Сања Лукаревска илузорно е за вакви крупни измени да се оди по скратена постапка, нагласувајќи дека е потребна суштинска дебата. Таа кажа дека за независни самостојни државни органи законските измени се директно мешање во правниот систем, во регулативата. Реплицираа Марија Петрушевска и Благица Ласовска кои посочија дека ќе им се даде можност на вистински професионалци да работат, а не како досегашните партиски послушници.

Пратениците ги разгледаа предлог на закон за изменување и дополнување на Законот за аудио и аудиовизуелни медиумски услуги, по скратена постапка, предлог на закон за изменување и дополнување на Законот за бесплатна правна помош, по скратена постапка предлог на закон за изменување на Законот за користење на податоците од јавниот сектор.

ИЗВОР: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

ПОД ИТНО МОРА ДА НАЈДЕМЕ ПАРИ ЗА ОПРЕМА И ЗА ВРАБОТУВАЊE КОНЗЕРВАТОРИ НА КУЛТУРТНОТО БОГАТСТВО, РЕЧЕ МИНИСТЕРОТ ЉУТКОВ

Следно

Поддршката на пејачката Тејлор Свифт за Харис ја зголеми посетеноста на информациската веб-страница за изборите во САД

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop