Иран „многу веројатно ќе се повлече од Светското првенство“, според иранските медиуми. Веста ја објави „Техеран тајмс“, како и бројни светски портали.
Иран се квалификуваше за Светското првенство што ќе се одржи во Соединетите Американски Држави, каде што ќе игра во групата Г со Белгија, Нов Зеланд и Египет. Сепак, бидејќи моментално е во војна со Америка, малку е веројатно дека ќе се појави на натпреварите што ќе се играат во Лос Анџелес и Сиетл. Оваа одлука сè уште не е конечна и ќе видиме што ќе се случи во наредните денови. Сè уште има многу време до Светското првенство, кое започнува дури на лето, но проблемот е што евентуалното повлекување на Иран би можело да влијае на плејофот што ќе се игра наскоро.
„Ги прочитав вестите за Иран како и сите други. Имавме состанок и сè уште е рано да коментираме некои детали, но ќе ја следиме ситуацијата поврзана со сите проблеми во светот. Ждрепката беше одржана во Вашингтон на која учествуваа сите екипи и сега сме фокусирани на безбедно и сигурно Светско првенство со сите екипи учеснички. Ќе продолжиме да комуницираме со владите на трите земји што го организираат Светското првенство за секој случај. Сите ќе бидат безбедни“, рече Мартин Графстром од ФИФА.
Светското првенство ќе почне за повеќе од три месеци, а доколку оваа репрезентација се повлече, Белгија, Нов Зеланд и Египет ќе имаат нов ривал. Наводно, ФИФА е најблиску до идејата дека Ирак ќе биде тој што треба да го игра финалето од плејофот против подобриот тим од натпреварот Боливија-Суринам. Во тој случај, победникот од дуелот меѓу Боливија и Суринам би добил директен билет за Светското првенство.
Извор: vecer.mk
