КУДС (АА) – Помина еден месец од израелската војна против Газа, а повеќето болници и здравствени центри низ Газа беа принудени да не работат или поради директно бомбардирање или поради недостиг на гориво и медицински материјали, рекоа официјални лица, пренесува Анадолу.
Израел извршил најмалку 102 напади врз здравствените центри од избувнувањето на борбите во Појасот Газа на 7 октомври, според Светската здравствена организација (СЗО).
СЗО соопшти дека како резултат на нападите врз здравствените центри загинале 504, а повредени се 459 лица, додека оштетени се 39 објекти и погодени се 31 амбулантно возило.
Според Канцеларијата за медиуми во Газа, само 18 болници функционираат делумно и под исклучително тешки услови бидејќи немаат гориво и медицински материјали.
Израел започна немилосрдни воздушни и копнени напади врз Појасот Газа по прекуграничниот напад на Хамас пред еден месец.
Оттогаш се убиени најмалку 10.022 Палестинци, меѓу кои 4.104 деца и 2.641 жени. Во меѓувреме, бројот на загинати во Израел е скоро 1.600, според официјалните бројки.
