Пред Велигденските празници, уништени 1 тон и 230 килограми небезбедна храна – Агенцијата за храна и ветеринарство со засилени контроли што се пласира на пазарот во шпицот на празничната потрошувачка на храна. Месото и преработките од месо, се покажале најризични.
– Во рамки на спроведените 350 надзори на операторите со цел спречување на пласирање на небезбедна храна и нелегална трговија со јајца, бои за јајца, како небезбедни уништени се 1230 килограми различни видови производи, најмногу месо, преработки и подготовки од месо, но и јајца, бои, мед, ракија, маслиново масло и други призводи.
Во истовреме, граѓаните веќе се подготвуваат за најголемиот Христијански празник, но за некои, пресметките колку ќе ги чини семејната Велигденска трпеза, не носи празничен дух и весела атмосфера.
Просечно, килограм свежо јагнешко месо, без кое не може да помине Велигден, ќе ги чини граѓаните 500 до 600 денари, табла јајца од 250 денари, а килограм компири 50 до 70 денари.
Просечни цени на основни прехранбени производи за Велигден
Килограм свежо јагнешко месо 500 – 600 денари.
Табла јајца – од 250 денари.
Килограм компири 50 до 70 денари
Килограм краставици 100 до 130денари
Килограм домати 100 денари
Зелка 50 денари
Млад кромид 40 денари
Марула 30 денари
Сепак, според последните податоци од Државниот завод за статистика, инфлацијата во март 2025 година споредено со минатиот месец, се намалила за -1,3%, како резултат на намалувањето на трошоците за живот во неколку категории во кои е и храната и безалкохолните пијалоци.
Министерството за економија тврди дека цените на основните прехранбени производи се намалуваат, а до 30 април важи мерката на Владата за ограничување на бруто-профитната маржа на 102 групи на основни прехранбени производи, како и замрзнати цени на 8 групи на основни прехранбени производи.
Ограничување на бруто-профитна маржа до 30.04.20255% бруто профитна маржа на основите 8 прехранбени производи: млеко,леб, брашно (тип 400 и тип 500), јајца, масло за јадење, јогурт и кисело млеко;
10% бруто профитна маржа на прехранбени производи месо и преработки од месо, шеќер,млечни производи, маргарин, путер, конзервирани зеленчук и овошје, грав, ориз, тестенини;
15% бруто профитна маржа на 39 прехранбени производи и средства за хигена: свежо овошје и зеленчук, детергенти, бебешка храна, пелени, сапун, тоалетна хартија и друго.
Замрзнати цени на 8 групи основни прехранбени производи: млеко,леб, брашно (тип 400 и тип 500), јајца, масло за јадење, јогурт и кисело млеко.
Извор: 24vesti.mk
