Без многу врева, се протна измената на Изборниот законик во членовите 61 и 62, па се подигна прагот за поднесување независни граѓански листи на избори, вели за „Студио 10„ Лилјана Поповска.
„Новиот услов за независна листа за советници, градоначалници и пратеници стана 1% од избирачите. Ова е елиминација на независните листи од изборната трка и оставање чист простор за „берба“ на големите партии. Кои впрочем и го изгласаа ова и ги избришаа независните со пенкало. Ова е спротивно на Уставот и го има во далечниот Бразил. Посебно загрижува што најголем број од независните листи се активисти што се борат за здрава животна средина.“ – вели Поповска.
Таа дополни и дека Уставот со членот 9 ја гарантира еднаквоста на секој граѓанин, а со членот 23 му дава еднакво право да учествува во вршењето на јавни функции.
„Ова шокантно подигање на прагот и правење огромна разлика во бројот на потписи кои стојат зад една изборна листа е дискриминирачко и противуставно, создавајќи нееднаквост на граѓаните пред Уставот и законите.“ – вели Поповска.
Извор: 24vesti.mk
