Централните и источните американски држави се погодени од силен дожд, силен ветер и обилни снежни врнежи. Повеќе од 182.000 домови се без струја во Орегон и речиси 10.000 во Вашингтон. Во Мичиген, повеќе од 61.000 домови останаа без струја, а повеќе од 57.000 во Висконсин.
Метеоролозите прогнозираат температурата да се спушти на 20 степени под нулата и тоа ќе значи дека само најхрабрите и најиздржливите ќе излезат на партиските собири за да се изјаснат кој да ги застапува нивните интереси во белата куќа.
И додека демократите речиси и да немаат избор, откако претседателот Џо Бајден објави дека ќе се бори за уште еден мандат, републиканците се пред тежок избор. Сите анкети укажуваат дека поранешниот претседател Доналд Трамп има огромна предност врз сите противници што најавија дека ќе се борат за претседателската номинација меѓу републиканците.
Поради убедливата предност, Трамп речиси воопшто не се појавуваше на митинзи ни во Ајова ни во други сојузни држави. Тој кампањата ја води во свој стил – со пораки и коментари на социјалните мрежи. Поради студот и невремето другите потенцијални републикански претседателски кандидати ги откажаа завршните митинзи во Ајова, тие не се откажуваат од трката, бидејќи фаворитот Трамп може да биде елиминиран во секој момент.
Во изминатите 12 и пол месеци, Трамп одржал само 24 митинзи во 19 окрузи во Ајова, двојно помалку од поранешната амбасадорка во Абединетите Нации Ники Хејли, четири пати помалку од гувернерот на Флорида, Рон Десантис, и дури десет пати помалку од Вивек Рамасвами, кој одржал 239 митинзи во 94 окрузи.
Извор: alsat.mk
