Подобра едукација, економско зајакнување на жените Ромки, и борба против дискриминација се дел од компонентите кои се во фокус на проектот „Надвор од бариерите, резилиентност на Ромите во Западен Балкан”.
Проектната координаторка, Ѓултен Мустафова на денешниот настан рече дека со овој проект ќе се зголеми соработката меѓу сите земји но и ќе се зголемат шансите за вработување на жените Ромки.
„Втората комп е за економско зајанување на ром во западен балкан и во Македонија што значи дека ќе имаме поголема сорбатока со сите пет земји во насока на унапредување на Ромите и нивното зголемено вработување.“ – Ѓултен Мустафова проектна координаторка.
Заменик министерот за економија и труд Марјан Ристески, пак, рече дека ваквите проекти се важни бидејќи ќе придонесат во решавањето на проблемите со кои се соочува ромската заедница.
„Мојата порака би била што поголема едукација, што поголемо образование на ромската популација, за тоа ќе се залага Владата и поголема конкурентност на пазарот на трудот посебно на ромската жена.“ – Марјан Ристески заменик министер за економија и труд.
Ѓоко Велковски, заменик министерот за социјална политика, демографија и млади објасни и дека интеграцијата на жените ромки е важен чекор за нашето општество.
„Години наназад гледаме да значењето на жената во нашето општество да го зајакнеме што повеќе, учиме во чекорите кои ги преземаме и од сите европски трендови и светски за да можеме да ги имплементираме и тука во Македонија, секако од големо значење е интеграцијата на жените ромки во нашето општество.“ – Ѓоко Велковски, заменик министер за социјална политика, демографија и млади.
Тригодишниот проект на кој ќе работат околу триесетина организации, освен во Македонија се спроведува и во Србија, Албанија, Косово и Босна и Херцеговина.
Извор: 24vesti.mk
