Британскиот рок гитарист Џон Сајкс, кој свиреше со групите „Вајтснејк“ и „Тин Лизи“, почина на 65 години. Во соопштението на неговата веб-страница се вели дека Сајкс „починал по тешка битка со ракот“.
Сајкс се појави на два албума на „Вајтснејк“ и е коавтор на некои од најпознатите песни на бендот, меѓу кои и „Тивка ноќ“ (Still Of The Night) и „Дали е ова љубов“ (Is This Love). Ја започна кариерата во 1980 година со хеви метал бендот „Тајгерс оф Пан Танг“, со кои сними два албума пред да се приклучи на „Тин Лизи“ во 1982. Во 1984, Сајкс му се приклучи на бендот „Вајтснејк“ на покана на основачот и фронтмен Дејвид Ковердејл.
По напуштањето на бендот, тој објави два албума со својата група „Блу мурдер“. Оддавајќи му почит на Икс, Ковердејл сподели голем број фотографии од него и Сајкс заедно во најславните денови на „Вајтснејк“.
„Само што ја слушнав шокантната вест за смртта на Џон. Моето искрено сочувство до неговото семејство, пријателите и обожавателите“, напиша Ковердејл. Гитаристот на „Ганс Ен Роузис“ Слеш сподели слика од настапот со Сајкс и напиша само РИП.
ИЗВОР: sdk.mk
