Легендарната американска аренби и поп пејачка Роберта Флек, која се прослави со песните „The First Time Ever I Saw Your Face“ и „Killing Me Softly With His Song“, почина на 88 години, објави нејзиното семејство.
Родена во музичко семејство, Флек се сметала за музичко чудо од дете откако на 15 години била примена на Универзитетот Харвард со полна школарина. По дипломирањето почнала да настапува во ноќни клубови, пред да потпише за „Атлантик рекордс“ во 1968. Следната година го објавила првиот албум, кој поминал незабележано.
Класично образованата пејачка и пијанистка направила голем пробив откако Клинт Иствуд ја вклучил нејзината верзија на песната „The First Time Ever I Saw Your Face“ во неговиот дебитантски филм „Play Misty for Me“ од 1971. Песната станала хит број еден во САД, а две години подоцна Флек го повторила овој успех со „Killing Me Softly“. За двете песни беше наградена со Греми за најдобра снимка.
Вкупно, Флек имаше шест топ-10 поп хита и десет аренби песни меѓу најдобрите десет, некои од нив снимени заедно со пејачот Дени Хатавеј.
Иако нејзините хитови секнаа на крајот на 1970-тите, Флек продолжи да снима албуми, од кои последниот излезе во 2012. Флек имаше 13 номинации за Греми, а последен пат беше наградена во 1995.
ИЗВОР: sdk.mk
