„25 инфраструктурни во 2025-та во Чаир“ – Ганиу: Не е предизборна кампања, ги добивме средствата

Градоначалникот на општина Чаир претстави неколку инфраструктурни проекти. Главните проекти опфаќаат реконструкција на 4 улици.

Во соопштението се споменува и салата Партизан и реконструкција на фудбалското игралиште на стадионот на Чаир, а како што се вели, во завршна фаза е и подготовката на техничката документација за целосна реконструкција на паркот во Чаир.

На прашањето дали ќе се реализираат сите овие проекти во текот на годината, Ганиу одговори:

-Не, не е предизборна кампања затоа што ги добивме средствата наменети за 2024 година, значи распишан е огласот за јавна набавка, избрани се операторите. Има над 25 проекти и по таа формула имаме право на околу 9 милиони евра. Имаме проекти од 10 милиони евра, можеби некој од тие проекти треба да се отфрлат, или ако има волја од владата, на друго место недостигаат проекти и не можат да ги дадат сите средства, тогаш имаме можност, односно сите проекти да бидат одобрени, изјави Висар Ганиу, градоначалник на општина Чаир.

Вкупната вредност на овие проекти изнесува 28,6 милиони денари (465.240 евра) и ќе бидат финансирани од Владата на Република Северна Македонија во рамките на проектот „250 милиони евра за општините“.

Ганиу се пожали на градоначалничката на Град Скопје, Данела Арсовска, бидејќи како што рече, Градот Скопје од жителите на Чаир инкасирал 18 милиони евра од даноци, додека Градот во оваа општина не инвестирал ниту 1 милион евра.

-И од 2020 година наваму, Град Скопје собира или акумулира средства, или генерира од општина Чаир од даноци и сите видови комуналии, некаде над 18 милиони евра, додека досега не е инвестирано ни милион, бројката не достигна ни еден милион евра колку што е инвестирано за овие 3 и пол години, и ова е целосна дискриминација, изјави Висар Ганиу, градоначалник на Чаир.

Градоначалничката Данела Арсовска со противодговор велејќи дека општинските такси се пропорционално поделени меѓу Град Скопје и општината.

Ганиу и Арсовска честопати се обвинуваат меѓусебно а истото го направија и за проширувањето на улицата Јахја Паша за која никако да се најде решение.