реклама
Во ОУ „Кирил и Методи“ во Тетово паралелките од прво до трето одделение имаат по над 30 ученици. Има дури и паралелки со 35 до 40 ученици. Директорот на училиштето вели дека Министерството за образование треба посериозно да се позанимава со ова прашање бидејќи големиот број ученици ја прави наставата неквалитетна и е надвор од законските норми.
„Ова е нож со две острици, основното образование треба да се сфати посериозно бидејќи младите бегаат и не можеме никого да обвиниме, никого, можеби се виновни, можеби не се виновни, но Министерството за образование со поголема сериозност треба пристапи кон оваа работа и правилно да се поделат паралелките, бидејќи секоја држава има финансии, но тие мора да се распределат на вистински начин“, вели Сихана Каба Касами.
реклама
Министерот за образование, Јетон Шаќири, е известен за овој проблем и вели дека првично општината треба да донесе наставници од селата каде паралелките се кон згаснување.
„Тие наставници да се префрлаат од периферните училиште во училиштата во градот, во конкретниот случај не се работи за индивидуално или политичко одбивање, никако, затоа што секоја паралелка треба да биде според законските критериуми. Во конкретниот случај, ако училиштето има, на пример, првите одделенија се со 28 деца, тие наставници можат да се преместат од едно училиште, во друго училиште и во тек на време тоа ќе го разгледаме како барање и ќе го разгледаме со Министерството за финансии, но анализата да биде заедничка и од општината и од Министерството за образование“, вели Јетон Шаќири.
реклама
За ова прашање е известен и образовниот сектор во Тетово, а училиштето очекува нивното барање да биде одобрено од Министерството за финансии.
реклама
