Пендаровски: Згрозувачки се сомнежите за злоупотребите на Онкологија, крајно време е системот да се справи со криминалот

September 4, 2023
1 min read

Претседателот повика на брзо и ефикасно комплетирање на истрагата преземена од МВР и Обвинителството и соодветна казна за сите за кои ќе биде докажано дека сториле тешки дела против здравјето на луѓето

Фрапантни и згрозувачки – вака шефот на државата Стево Пендаровски ги оцени низата наводи за злоупотреба на терапијата за лицата болни од рак на Клиниката на онкологија кои деновиве ја брануваа јавноста, а за кои МВР и Обвинителството отворија предистрага.

Стево Пендаровски, претседател на Северна Македонија, Фото: МИА

Во писмената реакција, која е објавена денеска на веб-страницата на претседателот, Пендаровски вели дека е крајно време наместо декларативно системот да потврди дека може да се справи и во пракса со тешките облици на организиран криминал и корупција и да се прекине културата на неказнивост и прекршување на законите.

„Никогаш нема да бидеме вистинско европско општество со одолговлекување на судските постапки и отсуство на лична одговорност. За здраво општество ни треба правна држава во пракса, не на хартија“,

пишува Пендаровски во реакцијата.

Претседателот повика на брзо и ефикасно комплетирање на истрагата преземена од МВР и од Обвинителството и соодветна казна за сите за кои ќе биде докажано дека сториле тешки дела против здравјето на луѓето.

„Наместо на тие лица соочени со најтешката дијагноза да им даде целосна поддршка и заштита, здравствениот систем очигледно потфрлил, со што е изгубена довербата не само кај тие болни туку е доведен во прашање и квалитетот на лекување на секој иден пациент“,

се додава во реакцијата на шефот на државата.

Додава оти го разбира гневот на граѓаните кои денеска повикаа на протест барајќи одговорност од актуелни и поранешни министри и заменик-министри за здравство, како и од актуелната и ексдиректорката на Државниот санитарен и здравствен инспекторат (ДСЗИ), но од поранешниот организациски директор на Клиниката.

За денеска е најавен протест, но имиња на организаторите не се наведени, а во делот како организатор на настанот е наведена фејсбук-страница со име „Протест против убиството на онкологија“ која на социјалните мрежи е активна од вчера. Почетокот е закажан во 18 часот пред Владата, од каде што се предвидува демонстрантите да се упатат кон Министерството за здравство.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Почина Крсте С. Џидров, еден од најзначајните македонски сценографи и архитект

Следно

Финска: Над 10.000 лица се собраа да протестираат против расизмот и владината политика

Latest from Blog

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања

Николоски од Виена: Македонија ќе стане клучна транспортна крстосница во Југоисточна Европа

Предизвикот за земјите од регионот е како заеднички да настапуваат на европскиот пазар, како да се натпреваруваат со конкуренцијата и како да се постигне повисоко ниво на развој. За овие прашања,  за

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и
Go toTop