Мицкоски му одговори на Ахмети – ДУИ да се подготвува за одговорност, а не за предвремни избори. Премиерот вели дека предлогот за предвремено изборно соочување упатен до Филипче на пратеничките прашања во четвртокот бил со цел да укаже на предноста на ВМРО-ДПМНЕ, а на Ахмети му порача дека дека Владата пред помалку од шест месеци добила над 600.000 гласови и дека во следните четири години ќе се фокусира на реформи и проекти.
– Јас тоа што имав да го кажам го кажав. Тоа беше одговор на коментар на Претседателот на СДСМ, во рамките на пратенички прашања во Парламентот со што целта беше да излезат сите оние лажни лица кои ги има во опозицијата меѓусебе се храбрат, а кога ќе дојде време да се испорача таа храброст, кукавички се затскриваат Јас разбирам дека раководстовто на ДУИ не сака да биде во опозиција и исплашени дека конечно ја чувствуваат и тие одлучноста на Владата за борба против криминалнот и корупцијата, знаат се што имаат правено изминативе 20 години и свесни се дека полека доаѓа денот кога треба да бидат одговорни и затоа како резултат на тој страв би рекол непренципиелно се храбрат и мислат ќе магнетизираат повеќе гласачи, но мојата порака до нив е да се подготват за одговорност, а за избори кога ќе дојде време ќе се подготвуваме. – рече Мицкоски.
Ахмети пак преку објава на Фејсбук му одговори на Мицкоски – граѓаните нека одлучат по една и пол година за која опција се.
– Затоа, не бараме учество во Владата за да избегаме од било каква измислена одговорност во континуитет во овие 22 години, која одговорност секогаш се споделувала со вас, туку да го почитуваме гласот на сувереност, да се престане со понижувањето на Албанците, да ја интегрираме земјата во Европската унија, за добри меѓуетнички и меѓусоседски односи, за целосен ветинг на политичарите, судиите, обвинителите, олигарсите, процесот на приватизација, како и меѓународно мониторирана неселективна правда.Ние сме подготвени, како што побаравте од говорницата на Собранието, граѓаните да го кажат својот збор за сите овие прашања и да утврдат по една и пол година од вашата влада ЗА кој пат се! – рече Ахмети.
За повикот на Ахмети за предвремени избори, претходно се огласи и Изет Меџити, од владејачката коалиција кој на лидерот на ДУИ му порача дека треба да се подготви да биде уште долго време во опозиција. Последните парламентарни избори се одржаа на 8 мај, по што СДСМ и ДУИ, по седумгодишно владеење, заминаа во опозиција.
Извор: 24vesti.mk
