Партиите сè уште калкулираат за носителите на изборните листи

March 12, 2024
1 min read

Фокусирајќи се главно на претседателските избори, не сите политички партии ги објавија имињата на носителите на листите за парламентарните избори на 8 мај. СДСМ вчера ги стави предлозите на маса на состанокот на раководството на партијата. Од СДСМ ќе одат со верзијата двајца паралелни носители на листи. Но, оттаму не ги потврдуваат имињата, освен на поранешниот премиер Димитар Ковачевски. Тој ќе биде носител на листата во првата изборна единица. Неофицијално, Сања Лукаревска и Фатмир Битиќи се очекува да ја предводат листата во двојката. Поранешниот министер за внатрешни работи Оливер Спасовски, се очекува да биде носител во третата, а се шпекулира дека Венко Филипче се враќа во политиката како носител во четвртата единица заедно со Јована Тренчевска. Министерката за одбрана Славјанка Петровска се очекува да биде носителка во Полог, односно во шестата единица. Меѓу имињата кои можат да ги пополнат празните места на носители се Јован Митревски, Бисера Костадинова, Миле Зечевиќ и коалицискиот партнер Моника Зајкова.

СДСМ
1. Димитар Ковачевски и …
2. Сања Лукаревска и Фатмир Битиќи
3. Оливер Спасовски и …
4. Венко Филипче и Јована Тренчевска
5. /
6. Славјанка Петровска и …

Во ВМРО е појасно. Христијан Мицкоски за првпат влегува во листите со кандидати за пратеници како носител и тоа во изборната единица број еден. Во втората ќе биде потпретседателот на партијата Владо Мисајловски, во третата пратеникот Драган Ковачки, во четвртата Александар Николовски, а во шестата пратеничката Дафина Стојановска. Партијата сé уште нема донесено одлука кој би ја предводел листата во петтата изборна единица.

 ВМРО-ДПМНЕ
1. Христијан Мицкоски
2. Владо Мисајловски
3. Драган Ковачки
4. Александар Николовски
5. /
6. Дафина Стојановска

Дел од носителите ги потврдија и од албанската опозициска коалиција „Вреди“. Веќе е познато дека лидерите на коалициските партии ќе бидат на врвот на листите, меѓу кои Изет Меџити во изборната единица број еден, Африм Гаши во број два, Биљал Касами во шестката и кадар на Алијанса за Албанците во изборната единица број пет.

„ВРЕДИ“
1. Изет Меџити
2. Африм Гаши
3. /
4. /
5. Кадар на Алијанса за Албанците
6. Биљал Касами

Од ДУИ засега нема никакви информации, па сè се сведува на шпекулации. Се зборува и дека е можна заедничка коалиција на партијата на Ахмети со делот од Алијанса за Албанците кои се на страната на Зијадин Села, потоа со партијата Народ на Скендер Реџепи, со Европската демократска партија на Арјанит Хоџа и со ДПА на Мендух Тачи. Дел од овие лица се споменуваат и како потенцијални носители на заеднички листи. Формално сите партии, односно коалиции, официјалните листи со кандидати треба да ги достават до ДИК најдоцна до 2 април, односно 35 дена пред изборите. Изборната кампања за парламентарните избори започнува на 18 април./Алсат.мк
Фатлуме Дервиши

Извор: alsat.mk

MARKETING

MARKETING

MARKETING

Претходно

Жаби ни во Азија не можат да кренат глава од Французи

Следно

Ескобар: Имаме проблеми во комуникацијата со Курти

Latest from Blog

Тошковски за дојавите за бомби во училиштата: Испратени се од привремени емаил адреси кои се бришат еден час по испраќањето

Министерот за внатрешни работи, Панче Тошковски, информираше дека дојавите за бомби, упатени кон училишта низ земјата минатиот петок, биле испратени од привремени емаил адреси кои се бришат само еден час по испраќањето

Земјотрес со јачина од 5,3 степени во близина на Санторини – најсилен досега во неколкудневната серија

Земјотрес со јачина од 5,3 степени беше регистриран кусо по 22 часот по локално време во близина на Санторини, што воедно е и најсилниот во серијата земјотреси во морскиот дел меѓу островите

Ѓорѓиевски во 24 анализа: Мојата амбиција е да се кандидирам за градоначалник на Град Скопје, но одлуката ќе биде според анкетите

Градоначалникот на Општина Кисела Вода и претседател на ЗЕЛС, Орце Ѓорѓиевски во 24 анализа рече дека неговите амбиции се да се кандидира за градоначалник на Град Скопје но како што кажа, одлуката

Тошковски: За пет дена, констатирани се 2 592 прекршоци – секој втор возач сторил прекршок

За пет дена, од 5 444 исконтролирани возачи во Скопје, констатирани се 2 592 прекршоци, што значи дека речиси секој втор кој што бил запрен, сторил некаков прекршок, информира министерот за внатрешни

Земјотрес од 5,3 степени го погоди Санторини

Земјотресот бил со јачина од 5,3 степени според Рихтеровата скала, со епицентар на 14 километри југо-југозападно од Аркесини, Аморгос, и со фокусна длабочина од 17 километри. Силен земјотрес од 5,3 Рихтер кај
Go toTop