КАРАЧИ (АА) – Пакистан денеска испрати втора пратка со хуманитарна помош во Газа, објави пакистанската државна телевизија, пренесува Анадолу.
Министерот за надворешни работи, Џалил Абас Џилани, палестинскиот амбасадор во Пакистан, Ахмед Џава Раби, и министерот за човекови права, Калул Џорџ, испратија на Меѓународниот аеродром „Исламабад“ специјален авион со 90 тони сетови за хигиена, лекови и пакети со храна.
Изразувајќи ја целосната поддршка и солидарност на Пакистан со Палестинците, Џилани ја нагласи итноста за ставање крај на израелската агресија и укинување на опсадата на Газа.
Пакистан минатиот месец ја испрати својата прва пратка од 100 тони хуманитарна стока во Газа.
Во меѓувреме, индонезискиот министер за одбрана, Прабово Субијанто, изјави дека Џакарта е подготвена да испрати медицински брод во водите во близина на Газа за лекување на жртвите на израелските воздушни напади.
Субијанто рече дека Џакарта планира да се координира со земјите во близина на Појасот Газа, вклучувајќи го и Египет, за да добие одобрение за испраќање на бродот.
Џакарта во саботата испрати повеќе од 51 тон хуманитарна помош во Газа.
