Орбан му честиташе на Вучиќ: Србија нема да запре

Покрај Орбан, и претседателот на Република Српска, Милорад Додик, во неделата вечерта им ја честиташе победата на изборите на Вучиќ и на лидерот на СНС, Милош Вучевиќ, откако српскиот претседател прогласи убедлива победа на листите на СНС на сите нивоа

Унгарскиот премиер Виктор Орбан синоќа во објава на социјалните мрежи му честиташе на Александар Вучиќ за, како што вели, убедливата победа на изборите.

„Србија нема да запре! Честитки до претседателот Александар Вучиќ  и членовите на неговата листа на нивната убедлива изборна победа!“,

напиша Орбан на социјалната мрежа Х.

#Serbia will not stop! Congratulations to President @avucic and members of his list on their overwhelming election victory!

— Orbán Viktor (@PM_ViktorOrban) December 17, 2023

Вучиќ синоќа прогласи убедлива победа на листите на Српската напредна партија (СНС) на изборите на сите нивоа.

• Вучиќ прогласи убедлива победа на изборите во Србија

Покрај Орбан, и претседателот на Република Српска, Милорад Додик, во неделата вечерта им ја честиташе победата на изборите на српскиот претседател Александар Вучиќ и на лидерот на СНС, Милош Вучевиќ.

„Им честитам на сите граѓани кои гласаа за напредок и просперитет и во овие предизвикувачки меѓународни околности ја избраа политичката стабилност на Србија“,

објави Додик на социјалните мрежи.

Лично сам честитао вечерас @avucic и @milos_vucevic побједу на изборима у Србији.
Честитам свим грађанима који су гласали за напредак и просперитет и у овим изазовним међународним околностима изабрaли политичку стабилност Србије.
Поносан сам на све људе из Републике Српске који…

— Милорад Додик (@MiloradDodik) December 17, 2023

Според првичните изборни резултати и обработени над 50 отсто од гласовите, матичната партија на Вучиќ, СНС, која настапуваше под слоганот „Србија не смее да запре“, освои 47,1 отсто од гласовите. Веднаш зад неа е коалицијата „Србија против насилството“ со освоени 23,1 отсто.

• Според првичните резултати, партијата на Вучиќ има голема предност на изборите во Србија

Опозиционерите од „Србија против насилството“ обвинија дека во Белград организирано биле донесени над 40 000 луѓе без легален престој за да ја поддржат листата на СНС што, како што велат, драстично ја променило изборната волја на белграѓани. Побараа поништување на изборите во Белград и повторување на гласањето за градското собрание и најавија протест за денеска во 18 часот.

• Опозициската „Србија против насилството“ бара поништување на изборите во Белград и ги повика белграѓани на протест