Општина Ѓорче Петров годинава повторно ќе биде домаќин на дечињата кои ќе земат учество во Бадниковата поворка и ќе ни донесат голема радост пред христијанскиот празник Божиќ, раѓањето на Синот Божји – Господ Исус Христос напиша Градоначалникот на општина Ѓорче Петров, Александар Стојкоски на социјалните мрежи.
-“Дечињата со весели коледарски песни ќе го најават празнувањето на големиот ден во христијанството, а ние ќе ги даруваме коледарчињата со бадникови пакетчиња, како што е традицијата. Учесниците од Ѓорче Петров ќе се соберат пред црквата „св.Петар и Павле“ во 09:30 часот од каде ќе дојдат пешки до Општина Ѓорче Петров, по што со организиран автобуски превоз ќе продолжат кон градскиот плоштад и ќе се соединат со сите останати учесници од другите општини. По завршување на поворката, децата ќе бидат вратени во Општина Ѓорче Петров со истиот организиран превоз“, пиша Стојкоски
Тој притоа упати апел каде ги повика граѓаните кои имаат желба со своите дечиња да бидат дел од Бадниковата поворка и заеднички да се радуваат на денот што доаѓа.
ИЗВОР: skopjeinfo.mk
