Ужасни вести доаѓаат од соседна Србија каде што очигледно никако да се научи лекцијата дека мафијашки ликвидации и функционирање на таков начин носи само хаос и ништо друго.
Порталот „КРИК“, и меѓународната новинска агенција OCCRP , откриваат огромен скандал во кој што е вклучен сега веќе екс претседателот на Фудбалската Федерација на Србија, Славиша Кокеза и еден од најголемите асови на срспкиот фубдал Немања Видиќ.
Медиумите јавуваат дека се откриени, криптирани пораки преку апликацијата Sky ECC, инаку застапена во криминалниот свет поради сигурноста, во кои Славиша Кокеза отворено зборува за притисок врз Немања Видиќ, јавен линч, па дури и ликвидација!? И не само кон Видиќ туку и кон други фудбалски имиња кои критички се настроени кон актуелната фудбалска власт во Србија.
Се започна во 2020 година кога Србија не успеа да се пласира на ЕП, а Видиќ како сериозен авторитет, јавно го нападна фудбалското раководство за лошо менаџирање на федерацијата.
Кокеза пак како што и самата јавност тогаш пишуваше во паника дека Видиќ сака да му ја преземе функцијата (!?), се обратил на подземјето во Србија за „помош“ при справувањето со еден од најдобрите дефанзивци на сите времиња и легенда на Манчестер Јунајтед.
Кокеза имал кодно име „Федерер“….
На апликацијата „Sky ECC“, Славиша Кокеза има кодно име Федерер (!?), и штом Немања Видиќ го дал своето мислење во јавноста, Кокеза веднаш ги контактирал своите познаници од „другата страна на законот“. А планот секако јасен. Да се преплаши Видиќ на било кој начин и веднаш да се откаже од намерата било што да прави понатаму.
Во пораките кои што излегоа во јавноста во Србија, Кокеза го вели следново:
„Кажете му да се држи што подалеку од Федерацијата, или ќе заврши во провалија…доколку повторно се огласи ќе заврши на гробишта“ – напишал Кокеза.
Извор: vecer.mk
