Обилни врнежи од снег во Токио и во други делови на Јапонија

ТОКИО (АА) – Обилни врнежи од снег денес го нарушија секојдневниот живот во јапонската престолнина Токио и во други делови од земјата, а пријавени се и голем број повредени, пренесува Анадолу.

Железничките услуги, летовите и дистрибуцијата на електрична енергија се прекинати, а најмалку 109 лица се повредени и хоспитализирани.

Повредите, главно, се предизвикани поради паѓање на мраз, објави новинската агенција Кјодо њуз со седиште во Токио.

Обилните врнежи од снег ги зафатија и провинциите Канагава и Саидама, а стотици домаќинства останаа без електрична енергија.

Во меѓувреме Јапонската метеоролошка агенција го прекина предупредувањето за силни снежни врнежи во девет провинции, а врнежите продолжуваат во некои области.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.