На Токсикологија за време на новогодишната ноќ се примени помалку пациенти споредено со претходните години. Директорот на клиниката, д-р Андон Чибишев, информира дека вкупно 22 пациенти побарале медицинска помош.
„Од 22 прегледани пациенти, 18 се со акутни труења од алкохол. Четири од нив се жени, а 14 мажи. Сите пациенти се пуштени на домашно лекување,“ изјави Чибишев.
Тој истакна и детали за возраста на пациентите:
„Најмладата пациентка меѓу жените има 17 години, додека најстарата е на 26 години. Кај мажите, најмладиот пациент има 14 години, а најстариот е 38 години,“ додаде директорот.
Меѓу пријавените случаи има и пациент кој измешал алкохол со таблети, што дополнително го усложнило неговиот случај.
ИЗВОР: ТВ 21
