Портпаролот на Белата куќа, Џон Кирби, изјавил дека се работи за капацитети кои не се активни и кои не распоредени, и потврдува дека истите се поврзани со „анти-сателитски способности што Русија ги развива.“
„Не зборуваме за оружје кое може да биде употребено за да нападне луѓе или да предизвика физичко уништување тука на Земјата. Имајќи го тоа предвид ние од блиску ја мониторираме оваа руска активност и ќе продолжиме сериозно да ја следиме,“ порачал Кирби.
Се работи за нуклеарно оружје кое не е на нуклеарен погон.
По почетокот на војната во Украина, Русите посебно беа вознемирени и начекани неподготвени од користењето на воени сателити и Старлинк системот за следење на руски мети и обезбедување комуникација на украинската армија.
Во последниве речиси 20 години и Кина и Русија имаат изведено успешни вежби во кои со проектили лансирани од Земјата уништија „мртви“ сателити во вселената.
Бидејќи информацијата протекува од тајни документи, американски конгресмени бараат нивно декласификување за да може отворено да се разговара за оваа закана.
Дел од западните експерти објаснуваат дека нема потреба од претерано паничење бидејќи секоја употреба на нуклеарно оружје во вселената ќе им наштети и на западни, но и на руски сателити, плус потсетуваат дека Русија е обврзана со договорот од 1967 со кој се забранува лансирање или испраќање на нуклеарно оружје во вселената.
„Кога ќе детонираш нуклеарно оружје во вселената генерираш огнена топка… меѓутоа исто така генерираш и електромагнетски пулс кој ќе ги спржи електричните кола на сè што не е заштитено во радиус од неколку илјади километри.
Пулсот би можел да изгаси и електрани на Земјата доколку бомбата е детонирана над населено место,“ изјавил професорот од Универзитетот во Лечестер, Бледин Бовен.
Во 1960 и 1970 Советите испраќаат нуклеарно оружје во вселената но за гаѓање мети на Земјата, меѓутоа заклучуваат дека тоа ем не е многу корисно, ем е многу скапо.
ИЗВОР: off.net.mk
