Пекинг тврди дека хеликоптери од бродот го нарушиле кинескиот воздушен простор над островите Парасел.
Кинеската војска соопшти дека распоредила поморски и воздухопловни сили за да ја потисне холандската фрегата, која ја обвинува за нелегално влегување на островите Парасел во спорното Јужнокинеско Море.
Хеликоптерите од воениот брод полетаа неколку пати и „влегоа во кинескиот воздушен простор“, изјави Жаи Шичен, портпарол на Јужната команда на Народноослободителната армија, во соопштението.
„Остро се спротивставуваме на ова и официјално ја повикуваме холандската страна веднаш да ги запре своите прекршувања и провокативни акти“, рече Жаи, додавајќи дека кинеската војска решително ќе го брани националниот суверенитет и безбедност.
Извор: Б92
Извор: vecer.mk
