Шест нови авионски линии со Дубаи, Барселона, Лион, Штутгард, Базел и Истанбул ќе бидат отворени следната година од Скопје и Охрид најави министерот за транспорт, Александар Николоски.
Четири нови авионски линии се однесуваат на скопскиот аеродром, каде два пати неделно од 30 март ќе се лета на релација Скопје-Дубаи-Скопје, исто како и од 30 јуни Скопје-Барселона-Скопје,три пати неделно Скопје-Лион-Скопје и Скопје-Штутгард-Скопје.
На охридскиот аеродром, на релација Охрид-Базел-Охрид ќе се лета два пати неделно и како најголема новина е линијата Охрид-Истанбул-Охрид од 30 март четири пати неделно.
Државата субвенционира 12 евра по патник на доаѓање на охридскиот аеродром и 9 евра за скопскиот аеродром.
Во процес на подготовка е и втор повик кој треба да се објави кон крајот на ноември и да донесе нови дестинации додаде Николовски.
Во моментов, на скопскиот аеродром во лето оперираат 47 дестинации, а на охридскиот осум, додека, во зимскиот период 38 од скопски и четири од охридскиот аеродром.
Извор: 24vesti.mk
