ИСТАНБУЛ (АА) – Израелскиот премиер Бенјамин Нетанјаху синоќа не даде јасен одговор на понудата на Хамас за заемно ослободување на сите заложници, и ја цитираше библиската наредба за племето Амалики и се обиде да ги оправда своите дејствија во Газа, јавува Анадолу.
„Разговараме за ова прашање“, рече тој на прес-конференцијата откако беше прашан за потенцијалниот договор, додавајќи дека не може да сподели разузнавачки и други размислувања. Јавното говорење за условите на потенцијалниот договор „нема да помогне истиот да се реализира“, додаде Нетанјаху.
Израелскиот премиер, исто така, одби директно да одговори дали сноси одговорност за нападот на Хамас на 7 октомври, но рече: „По војната сите ќе мора да дадат одговори, вклучително и јас“.
Нетанјаху истакна дека копнената инвазија на напади на израелската армија во Појасот Газа не претставува ризик за безбедноста на заробениците и напомена дека нивниот главен приоритет е уништување на Хамас, додека вториот е враќање на израелските заробеници.
Тој рече дека целата земја е обединета во борбата и цитираше делови од Тората: „Не заборавајте што ви направија Амалиците.“
„Не забораваме, и се бориме.“
– Амалиците во Тората –
Кон крајот на 11 век пр.н.е., била донесена одлука за целосно искоренување на Амалиците, древно номадско племе опишано во Тората или Стариот завет, како немилосрдни непријатели на Израелитите.
Оваа одлука, која повикувала на „неселективно убивање на сите, од мажи до жени, деца до доенчиња и разни животни“, се сметало дека е заповед од Бог Јахве (Прва книга Самуилова, 15/3).
Директивата била извршена во целост, со исклучок на добро ухранетите животни, а не биле поштедени ниту доенчињата.
„За разлика од тоа, кога Амалиците ја презедоа контролата над градовите на Израелитите, тие ги поштедија жените и ги земаа како заробеници луѓето од сите возрасти пред да заминат по патот свој“. (Прва книга Самуилова, 30/2).
