ВИНА ДЕЛ МАР (АА) – Најмалку 46 лица загинаа во пожарите во централно и јужно Чиле, а се очекува бројот на жртвите да се зголеми, соопштија локалните власти, јавува Анадолу.
Голем број пожари избувнаа во крајбрежните градови на јужноамериканската држава, Валпараисо и Вина дел Мар.
Според податоците на локалните власти, пожарот уништил повеќе од 1.000 куќи.
Чилеанскиот претседател Габријел Бориќ прогласи вонредна состојба.
„Ги насочивме сите наши екипи во централниот и јужниот дел на земјата за да интервенираат во пожарите“, наведе тој на социјалната мрежа Х.
Пожарот брзо се проширил кон градовите Конкон, Кинтеро и Мајтенчило.
Во шумските пожари што избувнаа во февруари минатата година во Чиле загинаа 13 лица.
Извор: Anadolu Agency (AA)
