ИДЛИБ – Разорниот земјотрес со интензитет од 7,4 степени според Рихтеровата скала, кој рано утринава ги потресе јужните делови на Туркије и пограничните региони на северна Сирија, ја предизвика смртта на најмалку 427 лица во Сирија, а на стотици се повредени, известува Анадолу.
Епицентарот на земјотресот е регистриран во округот Пазарџик во турската област Кахаманмараш, а потоа уследија 42 дополнителни потреси, од кои најсилниот изнесуваше 6,6 степени по Рихтер. Земјотресот се почуствува и во соседна Сирија, особено во градовите Идлиб, Алепо, Хами, Латакија и Рака во кои се урнаа голем број згради.
Десетици згради се урнати во земјотресот и во делови на Сирија кои се под контрола на опозицијата.
Вкупниот број на загинати во Сирија досега изнесува 427. Агенцијата САНА објави дека 237 лица ги загубиле животите во подрачјата што се под контрола на режимот на Асад.
На териториите што се под контрола на опозицијата загинале 190 лица.
По најсилниот земјотрес со интензитет од 7,4 степени кој е регистриран во округот Пазарџик, во турската област Кахраманмараш, уследија 50 последователни потреси на тлото од кои најсилниот изнесуваше 6,6 степени.
Во земјотресот што ја потресе Туркије досега живот го загубија 284 лица, а повредени се 2323.
Сите надлежни служби на Република Туркије се ангажирани во акции за претрага и спасување, а во подрачјата погодени од земјотресот пристигнуваат екипи од сите делови на Туркије.
Со посредство на Министерството за надворешни работи, Туркије побара меѓународна помош на полето на претрагата, спасувањето и извлекувањето на повредените.
Извор: www.aa.com.tr
