Најмалку 25 Палестинци се убиени во израелските напади на Газа во текот на ноќта

ИСТАНБУЛ (АА) – Најмалку 25 Палестинци се убиени, а многумина се повредени во нападите што израелската војска ги изведе во текот на ноќта во многу делови на блокираниот Појас Газа, известува Анадолу.

Според вестите објавени во палестинската официјална агенција ВАФА, израелската војска изведе напади врз бегалските кампови Деир ал-Балах, Нусејрат и Ал-Мегази, како и регионот Ез-Зеваиде, кој се наоѓа во централниот дел на Појасот Газа.

Според првичните проценки, во нападите загинаа најмалку 25 лица, голем број се ранети.

Израелски воени авиони ги бомбардираа џамиите „Мухаџирин“ и „Сахабе“ во бегалскиот камп Мегази и џамијата Фуркан во Деир ал-Балах.

Здружението Ес-Салах сместно во бегалскиот камп Мегази исто така беше цел на израелските воени авиони.

Израелските хеликоптери отворија интензивен оган од митралези источно од Хан Јунис на југот од Појасот Газа.

Израелската војска со беспилотни летала ја нападна куќата на семејството Тахрави во градот Рафа, на југот од Појасот Газа. Во нападот има загинати и ранети.

Тенковите на израелската војска интензивно ги гранатираа бегалските кампови Бурајж, Нусејрат и Ал-Мегази кои се наоѓаат во централниот дел на Појасот Газа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..