Пејачката позната по нејзиното уметничко име Делароса била застрелана во престрелка во Лос Анџелес, објави Индипендент.
Двајца други лица се критично повредени.
Смртоносната престрелка се случила во мирната населба Нортриџ во долината Сан Фернандо во саботата наутро, непосредно пред 1:30 часот. Службениците на Полициската управа на Лос Анџелес (LAPD) вчера ја идентификуваа 22-годишната Марија Де Ла Роса како жртва, додека околностите на престрелката се под истрага.
Напаѓачите се приближиле до паркиран автомобил и отвориле оган. Полицијата се сомнева дека мотивот за бруталниот напад може да биде поврзан со банда.
Според исказите на очевидци и полициската изјава, напаѓачите се приближиле до паркираното возило на улицата Брајант.
– Сведоците опишаа како виделе двајца осомничени мажи како се приближуваат до возило паркирано на улицата Брајант, соопшти полицијата на LAPD.
„Повеќе истрели биле испукани кон неколку жртви кои биле паркирани во областа во своите возила.“
Полицијата потврди дека три лица биле во автомобилот во времето на заседата, а сите тројца биле застрелани од блиску.
Транспортирана со приватно возило, починала во болница
Делароса била итно префрлена во блиската болница со приватно возило, но лекарите не можеле да ѝ го спасат животот. Другите две жртви го преживеале нападот, но останале во критична состојба во текот на викендот.
Не се извршени апсења, а детективите не објавиле детали за можен мотив, освен за сомнение за поврзаност со банда.
Делароса, која имала нешто повеќе од 40.000 следбеници на Инстаграм, штотуку почнувала да се пробива на латино музичката сцена, а го објавила својот сингл „No Me Llames“ во август.
Извор: vecer.mk
