Мицотакис: Во моментов не се исполнети неопходните предуслови за учество на Турција во програмата САФЕ

October 24, 2025
1 min read

 Ставот дека Турција во овој момент не ги исполнува предусловите за учество во програмата САФЕ на ЕУ за финансирање на одбранбени проекти, го повтори грчкиот премиер Киријакос Мицотакис доцна синоќа на прес-конференцијата по завршувањето на Самитот на ЕУ во Брисел и уште еднаш објасни дека Грција нема да ја промени позицијата сè додека соседната инсистира на „casus belli“, односно заканата за војна.

Мицотакис објасни дека соодветниот член од регулативата предвидува договор на трета земја со Европската Унија за таа земја да може во принцип да се приклучи на програмата САФЕ.

– Грција има разјаснето дека во моментов не се исполнети потребните услови за учество на Турција во САФЕ. Нема потреба да го повторувам нашиот цврст став, дека сè додека Турција не го има решено „casus belli“ против Грција, сè додека се оспорува суверенитетот на грчките острови во Егејското море, очигледно не можеме да се согласиме на такво учество. Би сакал Турција да се предомисли за овие прашања, за да можеме и ние да влеземе во суштинска дискусија по ова прашање. Не предвидувам дека ова ќе се случи во блиска иднина, па затоа не се покренува некое прашање за учество на Турција во програмата САФЕ, истакна Мицотакис.

За европската одбрана објасни дека веќе се направени важни чекори кон спроведување на заедничката европска одбранбена политика, позитивно го оцени патоказот на Европската комисија во кој се вклучени „предлози за проекти што отсекогаш биле грчки приоритет“ и како пример го спомена противракетниот штит што го предложија заедно со полскиот премиер пред речиси две години.

– Исто така, многу важно е да се препознае дека секој европски одбранбен план мора да ги опфати сите европски граници, а не само источните, рече Мицотакис. /МИА.

Извор: vecer.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Неверојатни зборови на Јамал за Реал неколку дена пред „Ел Класико“

Следно

Припаднички на австралиската армија поднесоа тужба против Владата поради сексуално вознемирување

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop