Мицкоски: Апелирам Тупанчевски наместо да дава недвосмислена поддршка на Ахмети и Груби, да се потруди и да воспостави европски вредности, да не се споредуваме и да сме задоволни во друштво со Суринам, Тунис и Индија

February 1, 2023
1 min read

Ако министерот за правда и мој колега од Универзитетот „Свети Кирил и Методиј“, редовен професор е мотивирачки да сме во друштвото на Суринам, Тунис и Индија наместо во Европската Унија, за мене тоа е девастирачки и понижувачки. Се надевам дека нашите студенти не ги воспитуваме и учиме на вредностите на Тунис, Суринам и Индија со сета почит кон тие држави, туку на вредностите кои што ги споделува Европската Унија, изјави претседателот на ВМРО-ДПМНЕ, Христијан Мицкоски одговарајќи на прашање за Извештајот на „Транспаренси Интернешнл“.

Мицкоски додаде дека уште еднаш власта покажува политичка незрелост.

-Уште еднашка покажува политичка незрелост оваа Влада, и со тие позиции кои што ги рефлектира дополнително го обесхрабрува македонскиот народ. Ние сме држава со висока корупција, висок криминал за жал, рече претседателот на ВМРО-ДПМНЕ.

Тој нагласи единствена светла точка во државата се општините каде што градоначалници се од редовите на ВМРО-ДПМНЕ.

-Не сакам да бидам обвинет дека ете за тоа ги форсирам општините каде што имаме градоначалници од ВМРО-ДПМНЕ, но помина доволно време за да можат граѓаните да оценат како работат кадрите на ВМРО-ДПМНЕ, а како работи централната власт која што е практично раководена од Владата на ДУИ, а поддржана од СДСМ, истакна Мицкоски.

-Така што јас би апелирал до мојот колега наместо да дава недвосмислена поддршка на Али Ахмети и Артан Груби, да се посвети малку и да ги воспитува студентите на европските вредности наместо да се споредуваме и да сме задоволни и да сме охрабрени со тоа што се наоѓаме во друштво на Суринам, Тунис и Индија, укажа Мицкоски.

ИЗВОР: kurir.mk

MARKETING

MARKETING

Претходно

Украинските власти извршија претрес во домот на поранешниот министер за внатрешни работи

Следно

Правилата се исти за сите, Зијеш нема да биде регистриран, се враќа во Челси

Latest from Blog

Хелсиншкиот комитет бара истрага за полицајците што не го спречиле нападот врз градоначалничката Арсовска

Хелсиншкиот комитет за човекови права најостро го осудува физичкиот и вербалниот напад врз градоначалничката на Град Скопје, Данела Арсовска, што се случи денеска на Бит Пазар за време на службен увид во

Франција покрена кривична истрага против компанијата „Икс“ за манипулација со алгоритмот

Француските обвинители започнаа кривична истрага против Фејсбук поради наводите дека компанијата, во сопственост на милијардерот Илон Маск, манипулирала со алгоритми со цел „странско мешање“. Судијата Лор Бекуо денес изјави дека обвинителите ја

УЕФА го исфрли Кристал Палас од Лига Европа

Овој тим нема да настапува во Лига Европа следната сезона, и покрај обезбедениот пласман преку ФА Купот, откако УЕФА донесе одлука да го премести во Конференциската лига. Според информациите на Sky Sports,
Go toTop