Министрите за надворешни работи на Туркије и Иран разговараа за Сирија во Доха

АНКАРА (АА) – Министерот за надворешни работи на Туркије, Хакан Фидан, денес во Доха се сретна со неговиот ирански колега Абас Арагчи на разговори за случувањата во Сирија, соопштија дипломатски извори, јавува Анадолу.

Двајцата министри, кои присуствуваат на 22. Форум во Доха, „имаа „конструктивна и обемна средба“ фокусирана на најновите случувања во Сирија, истакнаа изворите.

Разговорите, исто така, послужија како прелиминарна оценка пред состанокот на министрите за надворешни работи во Форматот од Астана, закажан за денес попладне.

Разговорите се случуваат во време кога во Сирија повторно избувнаа судири по период на релативно затишје. Повторните борби меѓу режимските сили и антирежимските групи избувнаа на 27 ноември во руралните подрачја западно од големиот град Алепо, интензивирајќи ги судирите кои трааат речиси 14 години.

Состаноците во Форматот од Астана, во кои се вклучени Туркије, Иран и Русија, имаат за цел да се осврнат на тековната криза и да го олеснат решавањето на долготрајниот сириски конфликт.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.