Министерството за образование на САД остана затворено од „безбедносни причини“

Американската влада ги затвори сите канцеларии на Министерството за образование до утре поради „безбедносни причини“.

Необичниот чекор уследи по ветувањето на претседателот Доналд Трамп дека ќе го затвори одделот како дел од неговиот план да префрли поголема одговорност за образованието на државните влади.

Вработените со допис се предупредени дека не смеат да влезат во зградата на министерството до 18 часот по локално време денеска.

Си-Ен-Ен јави дека се очекува Министерството за образование да намали половина од својот персонал, кој моментално брои околу 4.000 луѓе.

Националната океанска и атмосферска служба ќе намали десет отсто од своите вработени, што е еднакво на 1.029 лица.