ГАЗА (АА) – Најмалку 2.848 Палестинци, меѓу кои 750 деца, загинаа во израелските воздушни напади врз Газа, соопшти Министерството за здравство во Газа, пренесува Анадолу.
Министерството соопшти дека најмалку 10.859 Палестинци биле повредени во израелското бомбардирање.
Претходно Министерството соопшти дека меѓу загинатите има и над 750 деца.
Газа се соочува со хуманитарна криза без струја, а останува и без вода, храна, гориво и медицински материјали. Цивилите бегаат на југ по израелското предупредување да ги евакуираат северните подрачја.
Борбите започнаа кога Хамас презеде повеќекратни ненадејни напади на 7 октомври, со голем број ракетни напади и упади во Израел по копно, море и воздух. Хамас рече дека операцијата била одмазда за претходните рации на џамијата „Ал Акса“ и зголемувањето на насилството од израелските доселеници.
Израелската војска како одговор започна операција против позиции на Хамас во Појасот Газа.
Во конфликтот загинаа повеќе од 1.400 Израелци.
