Мицотакис: Се чини дека несреќата во Грција се должи главно на трагична човечка грешка

March 2, 2023
1 min read

Не додавајќи повеќе детали, грчкиот премиер Киријакос Мицотакис кажа дека железничката несреќа во која животите ги загубија главно млади луѓе, е без преседан во Грција

Се чини дека железничката несреќа во Грција во која загинаа десетици луѓе главно се должи на трагична човечка грешка, изјави грчкиот премиер Киријакос Мицотакис во телевизиско обраќање по неговото враќање од местото на несреќата кај грчкиот град Лариса, притоа не изнесувајќи повеќе детали, јави Си-ен-ен.

„Десетици наши сограѓани, повеќето млади луѓе, ги загубија животите во ужасната железничка несреќа без преседан во нашата земја“,

рече тој.

Премиерот на Грција, Киријакос Мицотакис за време на посетата на местото на несреќата кај градот Лариса
Фото: EPA-EFE/DIMITRIS PAPAMITSOS

Мицотакис кажа дека одлуката на грчкиот министер за транспорт да си поднесе оставка по трагедијата е чесна и додаде дека оставки поднеле и раководителите на Грчката организација на железници и нејзината подружница.

За време на неговата посета на болницата во Лариса, каде што се згрижени многу од повредените, Мицотакис се сретна со роднините на загинатите и исчезнатите.

„Ме прашаа ‘зошто?’. И ми рекоа ‘никогаш повеќе’. Им должиме искрен одговор“,

рече тој.

Грчките медиуми синоќа пренесоа дека свртничарот вработен во железничката станица во Лариса ја признал вината за фаталната несреќа што се случи во Грција.

Медиумите известуваат дека тој во моментов е уапсен и дека пред истражните органи признал оти еден од возовите упатил на погрешна пруга по која од спротивната насока се движел другиот воз. Во исказот даден во рамки на предистрагата тој навел дека ја сфатил грешката веднаш штом слушнал за несреќата.

Педесет и деветгодишникот денеска се очекува да биде изведен пред обвинител.

Грчките медиуми синоќа објавија видеоснимки од безбедносните камери кои го снимиле моментот на железничката несреќа во Грција во која загинаа најмалку 43 патници.

На видеото се гледа како комерцијалниот воз кој се движи кон Лариса и патничкиот воз кој тргнал во 19:22 ч. од Атина се наоѓаат на истата линија од пругата и се движат со брзина од 166 километри на час, при што судирот е неизбежен. Од силниот удар веднаш настанува пожар.

Патничкиот воз пренесувал околу 350 луѓе, главно студенти на 20-годишна возраст кои се враќале во Солун.

Во несреќата се повредени вкупно 85 лица, од кои 72 се во болница, а шест се на одделенијата за интензивна нега.

Надлежните проценуваат дека бројот на жртвите од 43 се зголеми, бидејќи неколку луѓе се заробени во првите вагони на патничкиот воз.

Извор: 360stepeni.mk

MARKETING

MARKETING

Претходно

На повидок нормализација на јавниот превоз во Скопје

Следно

Партијата Фидез на Орбан го поддржува членството на Финска и Шведска во НАТО

Latest from Blog

Најмалку 39 Палестинци убиени во израелски воздушни напади во појасот Газа

АНКАРА (AA) – Најмалку 39 Палестинци се убиени денес во израелски воздушни напади врз повеќе локации низ појасот Газа, објавија медицински и локални извори, известува Анадолу. Во воздушен напад во западниот дел

Вечерва се отвора 65. издание на фестивалот „Охридско лето“

Со гала концерт на американска пијанистка со блескава уметничка кариера, Клер Хуангчи, во придружба на орекестарот на Македонската филхармонија под диригентска управа на маестро Едвин Оутвотер вечерва на Античкиот театар ќе биде

65. ОХРИДСКО ЛЕТО ОТВОРА СО АМЕРИКАНСКАТА ПИЈАНИСТКА КЛЕР ХУАНГЧИ И ФИЛХАРМОНИЈАТА

Под мотото „Трансформација на сетилата“  вечерва во 21 часот на Античкиот театар во Охрид ќе биде отворено јубилејното 65. издание на фестивалот Охридско лето. Отворањето е со  концертот на американската пијанистка Клер

ЦУК: Состојба со пожарите во Македонија

На веб страницата на Центарот за управување со кризи, според вчерашните информации до до 18:30 часот, на територијата на државата се евидентирани вкупно 25 пожари на отворен простор: АКТИВНИ пожари (5): Општина

Четири активни пожари низ Македонија

До пладне, во државата се регистрирани вкупно 14 пожари на отворено. Од Дирекцијата за заштита и спасување информираат дека четири од нив се уште се активни – во општина Дојран, кај селото
Go toTop