Пратеникот од Левица, Амар Мециновиќ во Аргумент плус рече дека на локалните избори ќе имаат кандидати за повеќе градови во Македонија, вклучително и општини во Скопје и Град Скопје.
Тој рече и дека очекува нивните кандидати да влезат во втор круг.
„Прво очекуваме раст и ќе влеземе во втор круг во некои урбани општини, на парламентарните избори имавме голема поддршка во големи урбани средини, ќе понудиме кадар кој ќе оди во втор круг. Очекуваме после избори, дека нашиот ангажман во повеќе скопски општини ќе дојде во втор круг. Нема да имаме кандидати во сите општини, но во големите урбани центри очекуваме да имаме кандидати . Тоа се Штип, Битола, Кумново, Охрид, во Скопје ќе имаме во голем дел од Општините, вклучително и Град Скопје“, рече Мециновиќ.
За ситуацијата со „ВЛЕН“ и Таравари, Мециновиќ објасни дека Левица нема формирано никаков став за тоа, бидејќи, како што рече Левица е влада во сенка.
„Левица нема формирано став за случајот со Таравари, ние имаме примарна задача да бидеме најгласен опозицски елемент во Собранието на каква и да е влада. Нас ни е фокус ВМРО-ДПМНЕ. Нашиот фокус е на следење на секојдневни пропусти на ВМРО-ДПМНЕ и нивната коалција и да бидеме влада во сенка. Владата може да биде каква што е ние сме спремни и за предвремни парламентарни избори. Им паѓа рејтингот на ВМРО-ДПМНЕи нема да дадат предвремени парламентарни бидејќи никогаш нема да го имаат истиот резултат кој што го имаа сега“, додаде Мециновиќ.
Извор: 24vesti.mk
